Pr 3/4 Causewayend
Narrator:
At Mounthooly lived a Chief,
Wanted a kilt tae keep him warm
A kilt his enemies widna see
A kilt tae keep him safe fae herm
And jist in case the Chief should sneeze
Wi matchin boxers tae his knees
Song:
Oh chieftain, chieftain will ye gang tae schule, atween the Dee an Don?
Oh na, na, na, I winna gang tae schule for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Monday kilt will be grey tae blend
In wi the school at Causewayend
A climbin frame that’s peinted broon
Bins that’s scattered aa aroon
A peintin on the nursery shed
An the denner hut far bairns are fed
Song:
Oh chieftain will ye gang up tae the hills, atween the Dee an Don?
Oh na I winna gang up tae the hills for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Tuesday kilt is for the hills
Wi jobby thistles roon its frills
A golden eagle, wings raxxed wide
An rabbits on the mountainside
Song:
Oh chieftain will ye gang intae the toon, atween the Dee an Don?
Oh na I wionna gang intae the toon for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Wednesday kilt will match the toon
Wi cars an larries rattlin roon
Wi vans and bikes, hooses and shops
Wi speedin skateboarders chased by cops
Song:
Oh chieftain will ye gang doon tae the sea, atween the Dee an Don?
Oh na I winna gang doon tae the sea for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Thurday kilt is for the sea
Wi fish and seaweed for his tea
Wi ferries, tankers, rescue boats
An fishing nets wi buoys that float
Song:
Oh chieftain will ye gang intae the trees, atween the Dee an Don?
Oh na I winna gang intae the trees for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Friday kilt is for the trees
Wi squirrels, hoolets, puddocks, fleas
Aik an aipple, elm an holly
An spurgies cheepin nice an jolly
Song:
Oh chieftain will ye gang intae the shops, atween the Dee an Don?
Oh na I winna gang intae the shops for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Setterday kilt is for the shop
Wi washin pooder, cloot an mop
Aipples, haggis, neeps an tatties
Cokes, hett chocolate, milk an latties
Song:
Oh chieftain will ye gang intae the park, atween the Dee an Don?
Oh na, I winna gang intae the park for I hae nae kilt tae pit on
Sae they left him there in his socks an his vest
An they made him a kilt o the very very best
They made him a kilt o the very very best
An the chieftain pit it on.
His Sunday kilt is for the park
Children lauch an dugs that bark
A merrymatanzie, chute an swing
Seagulls daein the Heilan fling
The Chief o Mounthooly’s kilts are cool
Made by the bairns o’ the school
At Causewayend they’’ll nae be seen
Weel camouflaged in Aiberdeen.